Thursday, 27 April 2017

கல்யாணமானா ஒரே சோகம்தானா :)

தமிழ் மேல் ஆர்வமில்லை :)
              ''புதுசா வந்திருக்கிற அதிகாரிக்கு தமிழ்ப் பற்று அதிகம் போலிருக்கு ...கதவுலே pushனு இருந்ததை 'தள்ளு 'ன்னு எழுதச் சொல்லிட்டாரே !''
               '' இந்த  'தள்ளு 'க்கு என்ன அர்த்தம்னு பார்க்கத் தானே  போறீங்க !''
மரமும் அவரைப் போலத்தானா :)                
             ''நீங்க முன்பு எப்போதாவது மரக்கன்றை நட்டு இருக்கீங்களான்னு ஏன் கேட்கிறீங்க ?'' 
              ''நீங்களே பாருங்க தலைவரே  ,நீங்க கும்பிடுற மாதிரியே இருக்கே !''
 பெண் பார்க்க ரெண்டு நாள்தான் ,நல்ல நாளா :)
           ''என்னங்க ,பெண் பார்க்க வர்றவங்களை சனி ,ஞாயிற்றுக் கிழமைகளில் மட்டும் வரச் சொல்றீங்களே ,ஏன் ?''
            '' டிவி சீரியல்களைப் பார்க்காமல் ,அன்னைக்குத்தானே உங்க இரண்டு பேர் முகமும் அழுது வடியாம இருக்கு   !''

வாயை மூடி பேசவும் முடியும் என்றால் .....!
          ''அந்த படத்தைப்  பார்க்கப் போறேன்னு சொன்னா ...காதை  மூடி கேட்கவும்னு ஏன் சொல்றீங்க ?''
          ''இரட்டை அர்த்த ஜோக்குகள் நிறைய இருக்கே !''

கல்யாணமானா ஒரே சோகம்தானா :)
         ''நீங்க கல்யாணம் ஆன பிறகுதான் ஜோக் எழுத ஆரம்பிச்சீங்களா,ஏன் ?''
         ''நாமதான் சிரிக்க முடியலே ,மத்தவங்களாவது சிரிக்கட்டுமேன்னுதான் !''

குறள் வழி நடக்கும் நாய் :)
சிலர் நாய் வாலை வெட்டிவிடுகிறார்கள் ...
வாலறுந்த நாய் ...
வெட்டியவர்களை 'வெட்டி விடாமல் 'விசுவாசமாய் 
சுற்றி சுற்றி வருகிறதே !

Wednesday, 26 April 2017

இந்த காதல், தாலியில் முடியுமா :)

 படித்ததில் இடித்தது :)
                 ''ஏனுங்க ஆபிசர் ,மனுஷனுக்கு கை விரல்ரேகை வாங்கினீங்க ,மாட்டுக்கு என்ன வாங்குவீங்க ? அடுத்து pan கார்டும் கொடுப்பீங்களா ?குட்டிப் போட்டா birth சர்டிபிகேட்  கொடுப்பீங்களா ?''
      இடித்த செய்தி >>>மாடுகளுக்கும் ஆதார் கார்டு வழங்கப்படும் -மத்திய அரசு !
கதவைத் திறக்க கண்டக்டரின் ஐடியாவா :)
         ''காலிங் பெல் பக்கத்திலே ஒரு விசில் தொங்குதே ,ஏன் ?''        
          ''கரண்ட் கட் நேரத்தில் இந்த விசிலை ஊதி அழைக்கவும்னு எழுதி இருக்கேனே ,படிக்கலையா ?''

இந்த காதல், தாலியில் முடியுமா :)
           ''டார்லிங் ,நேற்று ஒரு கெட்ட கனவு ...நீயும் நானும் ரயில் தண்டவாளத்தில்  படுத்திருக்கிறோம் !''
            ''அய்யய்யோ ,அப்புறம் ?''          
           ''நீயும்தானே இருந்தே ,அப்புறம் நடந்தது உனக்குத்தான் தெரியுமே !''

வாலாட்ட யோசிக்கும் நாய்கள் :)
          ''டைப்பிஸ்ட் சாந்திகிட்டே யாரும் வாலாட்ட மாட்டேங்கிறார்களே ,ஏன் ?''
         ''அவங்க டைப் 'அடிக்கிற ' வேகத்தைப் பார்த்தே அரண்டு போயிருக்காங்களே !''

எது நிம்மதி காதலா ,கல்யாணமா, காதல் கல்யாணமா :)
    காதலே நிம்மதி என்று ...
   திருமணம் முடிந்த சில நாளிலேயே புரிந்துவிடுகிறது !

Tuesday, 25 April 2017

சுகம் , மழையில் நனைவதா,நனைபவரைப் பார்ப்பதா:)

               ''மழைப் பெய்யனும்னு தடபுடலா கழுதைக்கு கல்யாணம் பண்ணி வைக்கலாம்னு இருந்தீங்களே ,ஏன் செய்யலே ?''
              ''சனியன் மழை வந்து கெடுத்திடிச்சே !''
நல்ல வேளை, தண்ணீர் தெளிக்கவில்லை :)       
               '' பேப்பரை படிக்கிறதுக்கு முன்னாடி ,கையுறை எதுக்கு 
போட்டுக்கிறீங்க ?''
              ''சூடான செய்திகள் நிறைய வந்திருக்காமே !''

இவருக்கு கசக்கிற வாழ்வே இனிக்குதோ :)
        ''என்னங்க ,நம்ம வீட்டிலே நீங்க மட்டும்தான் பாவக்காய் கசக்கும்னு  சாப்பிடுறதேயில்லே , ஆனா டெங்கு காய்ச்சல் உங்களுக்கு வருவதேயில்லையே ,எப்படி ?'' 
        ''கல்யாணம் ஆனதில் இருந்தே  நான் கசப்போடுதானே வாழ்ந்துக்கிட்டு இருக்கேன் ?''

எதை ஓசி கேட்பதென்று விவஸ்தை வேண்டாமா :)
       '' இன்சுலின் சிரிஞ்ச் பேனாவை  பையிலே  வச்சுருப்பீங்களே,இப்ப காணலையே ,ஏன் ?''
      ''அதையேன் கேக்குறீங்க ,பேனாவை ஓசி கேட்ட மாதிரி அதையும் கேட்கிறாங்களே !''

மின்வெட்டு கடுமையான நேரத்தில் எழுதியது இது :)
             ''பூனைக்கு இருட்டிலேயும் பார்வை தெரியுமாமே ?''
             ''ஒண்ணும்  கவலைப் படாதீங்க ,'கரெண்ட் கட் 'புண்ணியத்தால்  கொஞ்ச நாள்லே நமக்கும் அந்த சக்தி வந்திடும் !''

சந்தர்ப்பம் புத்தன் ஆகவா ,பித்தன் ஆகவா ?
சந்தர்ப்பம் ஒருமுறைதான் வரும் என்பதற்காக ... 
தப்பைச் செய்தவர்களும் 
'சந்தர்ப்பச் சூழ்நிலையால்  செய்தோம் ' 
என்பதில்  என்ன நியாயம் ?

Monday, 24 April 2017

இராத்திரி 12 மணிக்கு கதவைத் தட்டலாமா :)

செருப்புக்குப் பதிலா இதுவா :)             
                ''மந்திரி மேலே ஏன் நூலையும் ஊசியையும் எறியுறாங்க ?''
                ''உருப்படியா ஒரு காரியமும் செய்யலைன்னாலும், பேச்சு மட்டும்  வாய் 'கிழிய ' பேசுறாராமே!''
இந்த ஐடியாவின் காப்பிரைட்  எனக்கே :)          
             ''நீரிழிவு நோயாளிகளின் ஒட்டு மொத்த வாக்குகளையும்  அந்த கட்சி அள்ளிடுமா,ஏன் ?''
            ''தேவைப்படுவோர்க்கு , ரேஷனில் சீனிக்குப் பதிலா  சுகர் ப்ரீ  மாத்திரை தருவோம்னு தேர்தல் அறிக்கையிலே சொல்லி இருக்காங்களே !''

முட்டாள்களை வேலை வாங்க முடியுமா :)
          ''என்னை ஏன் வேலையிலிருந்து  நீக்குறீங்க ,முதலாளி ?''
          '' ஃபோர்மேனைக் கூப்பிடுன்னு சொன்னா ,நாலு பேரைக் கூட்டி வர்றீயே !''

சம்பாதிக்க முடியாதவனை ஆம்பளையான்னு மனைவி கேட்கிற மாதிரி ....!
          '' பக்கத்து வீட்டு பரமசிவத்துக்கு ஓட்டுக்குப்  பணம் கிடைக்கலை போலிருக்கா ,ஏன் ?''
          '' பணம் தர வக்கற்றவன்  எல்லாம் தேர்தல்லே ஏன் நிற்கணும்னு ஆவேசமா கேட்டுகிட்டு இருக்காரே !''

இராத்திரி 12 மணிக்கு கதவைத் தட்டலாமா :)
             ''உங்க வீட்டுலே குடியிருக்கிறவர் ரொம்ப ,ரொம்ப நாணயமானவரா ,எப்படி ?''
             ''ஒண்ணாம் தேதி பிறந்ததும் இராத்திரி 12மணிக்கே வாடகையோட வந்து கதவை தட்டுகிறாரே !''

விண்மீன் உயரத்தில் மீன் விலை !
உயிரையும் பணயம் வைத்து ...
நடுக்கடலில் மீனவன் மீன்பிடிக்க...
தரையில் நிற்பவன் விலையை வைக்கிறான் ..
பிராய்லர் கோழிக்குகூட பண்ணை வேண்டும் 
தீனியும் போடவேண்டும் ...
கடல் அன்னை இலவசமாய் தரும் 
மீனின் விலையோ கோழி விலைக்கும் அதிகம் ...
மீன் தரகருக்கு என்று வருமோ தடைக்காலம் ?

இதான் ,நம்ம அதிரா பூஸ்>>>
பூசார் ஓடியே விட்டார் ,நான் அழைத்தாலும் வர மாட்டேனென்று :)

சிஸ்டத்தை ரீஸ்டார்ட் செய்து, அதிரா பூசாரை இழுத்துட்டு வந்துட்டேன் ...ங் கொய்யாலே ,மதுரகாரன் கிட்டேவா:) 

Sunday, 23 April 2017

வீட்டுக்கு வீடு சுகர் பேஷன்ட் :)

ஆளில்லாக் கடையில் டீ ஆற்றிய காலம் போயிண்டே :)
        '' பிரதமர் மோடிக்கு  பன்னீர்செல்வம் மேல் தனி பிரியம் இருக்கும் போலிருக்கா ,ஏன் ?''
        ''இருவருமே ஆரம்பத்தில் டீ விற்றவர்கள்தானே !''
இடித்த செய்தி ....மோடி டீ விற்ற ஸ்டேசனுக்கு 8கோடி ஒதுக்கீடு !

தற்கொலையாளர்கள் கவனத்துக்கு  :)
               ''ரயில்வே தண்டவாளத்தில் தற்கொலைப் பண்ணிக்கிட்டவனை ,ஏன் முட்டாள் பயல்னு திட்டுறீங்க ?''
               '' ஏதாவது கட்சி  கொள்கைன்னு  செத்திருந்தா, நிவாரண நிதியாவது  வீட்டுக்குக் கிடைச்சுருக்குமே !''

கூகுள் ஆண்டவரே இவரை மன்னியுங்கள்  :)            
               ''கூகுள்ளே தேடினா எல்லாமே கிடைக்கும்னு  அவர்கிட்டே சொன்னது தப்பா போச்சா ,ஏன் ?''
               '' வீட்டை விட்டு ஓடிப் போன அவரோட மக எங்கே இருக்கான்னு பார்த்துச் சொல்லணுமாம் !''

அஞ்சு ,பத்மாவுக்கு பின்னாலே பையன் அலைஞ்சா ,அப்பன் :)
            ''அப்பன் ,மகன் ரெண்டு பேருமே  அஞ்சு ,பத்துக்கு அலையிறாங்களா,என்ன சொல்றே ?''
            ''அப்பன் கையிலே காசில்லாம அலையிறார் ,மகன் பொண்ணுங்க பின்னாலே அலையிறானே!''

கிரீன் கார்டு இதுதான் குடிகாரனுக்கு :)
            ''உன் மனைவி உனக்கு இரட்டைக்' குடி'உரிமை  கொடுத்திருக்காளா, எப்படி ?'' 
            ''பார்லேயே மொத்தமாக் குடிச்சு ரோட்லே கிடக்காம  ,வீட்டுலேயும்  வந்து குடிச்சுக் கிடங்கன்னு சொல்றாளே !'' 

வீட்டுக்கு வீடு சுகர் பேஷன்ட் :)
ஒருசேர பத்து பொறாமை விழிகள் என்மேல் ...
ஒரே ஒரு வார்த்தை செய்த மாயம் ...
''நிறைய சீனி போட்டு ஒரு டீ !''

Saturday, 22 April 2017

பெண் 'பேய்' என்பதற்கு இதுதானே ஆதாரம் :)

இவ்வளவு விவரமா என் பிள்ளையா :)                
              ''ஆபீசுக்கு போகும்போது ,வெங்காய வெடியை ஏண்டா என் கையிலே கொடுக்கிறே ?''
             ''புது மானேஜர் ரொம்ப மோசம் ,அவருக்கு  சீக்கிரம் வேட்டு வைக்கணும்னு நீங்க தானேப்பா சொல்லிக்கிட்டு இருந்தீங்க !''

பெண் 'பேய்' என்பதற்கு இதுதானே ஆதாரம் :)
                 ''என்னங்க ,அந்த இருட்டுப் பங்களாவில் இருக்கிறது பொம்பளைப் பேய்தான்னு எப்படிச் சொல்றீங்க ?''
                ''இடுப்பு சைசைப் பார்த்தால்  அந்த மாதிரியிருக்கே !''
                ''அடச்சீ ,பேயைப் பார்த்தாலும் உங்க கண்ணு இடுப்புக்குத் தான் போகுமா  !''
இவனல்லவா  உண்மை நண்பன் :)
             '' எனக்கு நல்லா பால் கறக்கத் தெரியும்னு சொல்லியும் ,பாங்கிலே மாட்டு லோன்  தர மாட்டேங்கிறாங்க ,ஏன்னு தெரியலே ? ''
             ''பணத்தை உன்னிடமிருந்து கறக்க முடியாதுன்னு அவங்களுக்கும் தெரிஞ்சுருக்கும் !''

கன்னம் என்ன 'இச் ' கொடுக்கவும் ,வாங்கவும்தானா :)
                 ''கப்பல் கவிழ்ந்தாலும் கன்னத்தில் கை வைக்கக் கூடாதுன்னு அவர்கிட்டே சொன்னது தப்பா போச்சா  ,ஏன்  !''
                ''இதை கப்பல் உரிமையாளர் யாரிடமாவது சொல்ல உனக்கு தைரியம் இருக்கான்னு கேட்கிறாரே !''

சுகர் வந்ததே ரேஷன் அரிசியால்தானோ :)
             ''ரேஷன் கடைலே பிளட் டெஸ்ட் பண்றாங்களா ,ஏன் ?''
            ''குடும்பத்தில் யாருக்காவது சுகர் இருந்தா, சீனி அளவை  குறைக்கப் போறாங்களாமே !''

கணவனை  இப்படியா சோதிப்பது :)
மனைவிக்கு கணவன் மேல் நல்ல அபிப்பிராயம் 
இருப்பது தெரிகிறது  ...
அழகான வேலைக்காரி !

Friday, 21 April 2017

நல்லவேளை ,தாலி கட்டும் முன்பே தெரிந்தது :)

 படித்ததில் இடித்தது :)
                  ''டாஸ்மாக் கடைகளைத் திறக்க மக்கள்  எதிர்ப்பு தெரிவிப்பதாலும் ,குடிநீர்  கிடைக்காமல் வாட்டர் லாரிகள்  ஓடாமல் நிற்பதாலும் ...அரசு போர்க்கால அடிப்படையில் புதிய திட்டம் போட்டிருக்கா ,எப்படி ?''
                  ''அந்த லாரிகள் மூலமா  ஒயின் ,பிராந்தி ,பீர் ,ரம் சப்ளை செய்யும் 'நடமாடும் டாஸ்மாக்  கடை '  திறக்கப் போகிறார்களாம் !''
   இடித்த செய்தி >>>>மதுக்கடையைச் சுற்றி 6 அடி ஆழத்தில் அகழி வெட்டிய மக்கள்!

நல்லவேளை ,தாலி கட்டும் முன்பே தெரிந்தது :)         
             ''காதலனை  ஏன் கை விட்டுட்டே ?''
             ''ரெஜிஸ்டர் ஆபீஸ் அல்லது கோவில் ..இதில்  எங்கே திருமணம் செய்துகிட்டா செலவு மிச்சமாகும்னு கேட்கிறாரே !''
                                                                      
கஸ்டமரை  கஷ்டப் படுத்தக் கூடாது தானே  :)
            ''ஹலோ ,கஸ்டமர் கால் சென்டருக்கு கால் பண்ணிட்டு ...எனக்கு கல்யாணம் ஆயிடுச்சான்னு ஏன் கேட்குறீங்க ?''
            ''எவ்வளவு திட்டினாலும் சிரிச்சுகிட்டே பதில் சொல்றீங்களே ,உங்களை எனக்கு ரொம்ப பிடிச்சிருக்கு  !''    
       
சாப்ட்வேர் டீம் லீடர் ,இப்படி வேலை வாங்கலாமா :)
           ''காலையிலே , தலைமுடி நல்லாத் தானே  இருந்தது ,சாயந்திரம் வேலை முடிந்து ,வழுக்கைத் தலையனா  வர்றீயே ,ஏன் ?''
           ''எங்க டீம் லீடர் ,நாலுநாள் வேலையை  இன்னைக்கே  'கையோட முடி'க்கணும்னு  'மண்டையைப் பிய்ச்சுக்க' வைச்சுட்டாரே !''
108டிகிரி வெயில் இப்படி கேட்க வைக்குதோ :)
         ''அந்த காபி மாஸ்டருக்கு கொழுப்பு ஜாஸ்தியா .ஏன் ?''
         ''டிகிரி காபி கேட்டா ,எத்தனை டிகிரி இருக்கணும்னு கேட்கிறாரே !''

நெனைப்புதான் பொழப்பைக் கெடுக்குது :)
ஒரே உறையில் இரண்டு கத்தி ...
என யாராவது சொன்னால் ...
மாமியார் மருமகள் உறவு
நினைவுக்கு வருவதை தவிர்க்க முடியவில்லை !

Thursday, 20 April 2017

பொண்ணு மாப்பிள்ளை மட்டுமா பொருத்தம் :)

பொண்ணு பார்க்கும் போதே சமைச்சுக்  காட்டச் சொல்லலாமா :)          
              ''வெளிநாட்டிலே இருக்கிற உங்க பையன்,  சமைச்சு சாப்பிட்டு வேலைக்கு போக கஷ்டப்படுறான்னு கல்யாணம் பண்ணி வைச்சது தப்பாப் போச்சா ,ஏன் ?''
             ''பெண்டாட்டிக்கும் சேர்த்து இப்போ சமைக்க வேண்டியதா இருக்காம் !''            

பரம்பரையா  சொத்து மட்டும் வரலே :)
         ''தாத்தா ,பாட்டியை மறக்கவே முடியாதா ,அவங்க மேலே  அவ்வளவு பாசமா  ?''
         ''எனக்கிருக்கிற  சர்க்கரை நோய் பாட்டி கொடுத்தது ,அதுக்கு செலவு பண்ற பணம் தாத்தா கொடுத்ததாச்சே !''
நான்வெஜ் சமைக்கத் தெரிந்தாலும் இதை செய்ய முடியுமா :)
           ''வீட்டிலே அட்டகாசம் பண்ற  பெருச்சாளியை  அடிக்காதீங்கன்னு ஏன் சொல்றே ?''
          ''கொன்றால்  பாவம் தின்றால் போச்சுன்னு சொல்றாங்க ,எலிக்கறியை யாருங்க சாப்பிடுறது?''
                  முன்பு ,  இந்த ஜோக்குக்கு வந்த ..ரசிக்கவைத்த கருத்தும் ,என் மறுமொழியும் ....
Chokkan Subramanian>>.அப்ப நீங்க வீட்டுல எலி எல்லாம் வளர்க்கிறீங்களா?Bagawanjee>>>விலைவாசி தாறுமாறா ஏறிப் போச்சு,உங்களை மாதிரி வீட்டுக்கு வர்ற விருந்தாளிகளுக்கு கறி விருந்து வைக்க வேண்டாமா ?
Chokkan Subramanian>>>ஆஹா. முன்னாடியே சொல்லிட்டீங்க. அதனால உங்க வீட்டுக்கு ஒரு பெரிய கும்பிடு.
Bagawanjee>>. அப்படியெல்லாம் சொல்லப்படாது ,அன்பாய் அவுல் கொடுத்தாலும் 'பகுத் அச்சா'ன்னு சொல்லி சாப்பிடுறதுதான் ,நமது பண்பாடுங்கிறதை மறக்கலாமா ?
Chokkan Subramanian>>ஹலோ, அவல் எங்கேயிருக்கு, எலிக்கறி எங்க இருக்கு. உங்களுக்கே இது அநியாயமா தெரியலையா. அதுவும் ஒரு சைவக்காரனிடம் எலிக்கறி சாப்பிடுங்கன்னு சொன்னா எப்படியிருக்கும்??
Bagawanjee>> இந்தப் பாட்டை நீங்கள் கேட்டு இருப்பீர்களே ...
#சைவப் பொருளாய் இருப்பவனே அன்று
ஓட்டல் கறியை கேட்டவனே....
ஹிஹி...பிள்ளைக்கறியை கேட்டவனே...
அதே அதே சபாபதே! அதே அதே சபாபதே!#(ஜம்புலிங்கமே   ஜடா ஜடா )
அந்த சொக்கனே பிள்ளைக் கறி கேட்டு சாப்பிட்டதா புராணம் இருக்கிறது ,இந்த சொக்கன் எலிக்கறி சாப்பிடக் கூடாதா ?
துரை செல்வராஜூ>>>கறிக் கடைக்கு இவ்வளவு ஆதரவு இருக்கா!...
Bagawanjee >>ஒரு நிமிடம் பறக்கிற ஈசலையே வறுத்து தின்கிற உலகமாச்சே இது ,கறிக்கு சொல்லவா வேணும் ?

பொண்ணு மாப்பிள்ளை மட்டுமா பொருத்தம் :)
          ''இன்ஸ்பெக்டர் அய்யா ,உங்க மக வாழ்க்கைப் படப் போறது வசதியான இடத்தில் தானா ?''
         ''என்ன அப்படி கேட்டுட்டீங்க ,பையனோட அப்பா மாசமானா நமக்கே லட்ச ரூபா மாமூல் கொடுத்துக்கிட்டு இருக்காரே !''

Wednesday, 19 April 2017

நடிகையான பின் இதைத் தவிர்க்க முடியுமா :)

படித்ததில் இடித்தது :)
                 ''டெல்லியில்  நேற்று  'புல் தின்னும் போராட்டம் ' நடத்தின விவசாயிகளைப் பார்த்தால் பாவமாயிருக்கா ,ஏன் ?''
                 ''அவங்க ரொம்ப நாளைக்கு அசை போட்டுகிட்டே இருக்கணும்னு.... கேவலப் படுத்துற மாதிரியிருக்கே,பிரதமரின் நேற்றையப் பேச்சு !''
            இடித்த செய்தி >>> 2022-ம் ஆண்டுக்குள் விவசாயிகளின் வருமானம் இரு மடங்காக உயர வாய்ப்புள்ளது  #பிரதமர் மோடி உரை !
நடிகையான பின் இதைத் தவிர்க்க முடியுமா :)
         ''மேக்கப் போட்டுக்கிறது கஷ்டமாயிருக்கு ,டைரக்டர் ஸார்!''
         ''போட்டுக்கலைன்னா பார்க்கிறவங்களுக்கு கஷ்டமா போயிடுமே !''
( இந்த ஆறு நடிகைகள் யார் என்று யாராவது சொல்ல முடியுமா :)

'ஆண்' வரிசையில் பெண் வரலாமா :)                  
           ''அந்த பெண்மணி மட்டும் ஆண்கள் வரிசையில் வந்து நிற்கிறாங்களே ,ஏன் ?''
           ''(ஆண்)ONலைன்லே ஈசியா டிக்கெட் வாங்கலாம் என்பதை தப்பா புரிஞ்சிகிட்டாங்க போலிருக்கு !''

நல்ல வேளை ,ஜட்டி சைஸை கேட்கலே :)
            ''பத்து வருசமா என் உப்பைச் சாப்பிட்டுகிட்டு இருக்கே,இப்ப திடீர்ன்னு என் பனியன் சைஸை கேட்கிறீயே ,ஏன் ? ''
            ''உப்பிட்டவரை உள் 'அளவும் 'நினைன்னு சொல்லி இருக்காங்களே ,முதலாளி !''

முகூர்த்த நேரம் தாமதம் என்பதற்காக அவசரப் படலாமா   :)
        ''சீக்கிரம்  மாப்பிள்ளையை  தாலி கட்டச் சொல்றீங்களே ,ஏன்?
       ''அட்சதை  தூவக் கொடுத்த அரிசியை இப்பவே பாதிப்பேர் மென்று தின்னுட்டாங்களே !''

Tuesday, 18 April 2017

ராசியான கட்டில் போலிருக்கே :)

                ''இந்த கட்டில்லே யார் தூங்கினாலும் நல்லா தூக்கம் வருமா ,ஏன் ?''
               ''தூங்கு மூஞ்சி மரக் கட்டையால்  செய்ததாச்சே !''

படிக்க நேரம் இல்லைன்னா  எதுக்கு பேப்பர் வாங்கணும் :)
            ''  எடைக்குப் போடுற பேப்பருக்கு , கிலோவுக்கு ஐந்து ரூபாய் அதிகமாத் தரணுமா ,ஏன்  ?''
            ''வர்ற பேப்பரை அப்படியே போட்டு விடுறோம் , பிரிக்கிறதுகூட இல்லையே !''

யோசிக்க வேண்டிய விஷயம் இது :)          
               ''பசி  மயக்கத்தில்  எனக்கு   காது கேட்கலைங்கிறதை  நம்ப முடியலையா ,ஏன் ?''     
              ''சாப்பாடு ரெடின்னு சொன்னதும் , கையைக் கூட  கழுவாம  தட்டைத் தூக்குறீங்களே !''

மனைவி தூக்கத்தைக் கெடுத்ததற்கு பிரதியுபகாரம் :)
            ''அந்த முதியோர்கள் இல்லத்திற்கு தேவையான தூக்க மாத்திரையை தானமா தர்ற ,உன் வீட்டுக்காரரின் தாராள மனசைப்  பாராட்டலாமே !''
           ''தாராள மனசுமில்லே,ஏராள மனசுமில்லே ...தினசரி குறட்டை விட்டு என் தூக்கத்தைக் கெடுக்கிற குற்ற உணர்வுதான் அதுக்கு காரணம் !''
நன்றி மறவாத வெஜிடேரியன் :)
          ''நம்ம வீட்டு விசேசத்திற்கு வந்துபோன நண்பர் SMS ல் என்ன எழுதி இருக்கார் ?''
           ''சிக்கனற்ற, சிக்கனமற்ற ,மட்டனற்ற விருந்து படைத்தமைக்கு மட்டற்ற மகிழ்ச்சியாம் !''

தடை எதுக்கு வரணுமோ ,அதுக்கில்லையே :)
மீனைப் பிடிக்ககூட தடைக் காலம் போடுறவங்களாலே ...
சிங்கள ராணுவம் நமது மீனவனைப் பிடிப்பதை ஏன் தடை செய்ய  முடியலே ?
மீனைக் கூட கொல்லாமல் பிடிக்கும் நிராயுதபாணி  மீனவனைக்
கொன்றுக் குவிப்பதை  ஏன் தடை செய்ய  முடியலே ?

Monday, 17 April 2017

கட்டாம வைச்சிருக்கிறது தப்பா :)

படித்ததில்  இடித்தது :)
                 ''சென்னை ஆர் கே நகரில்  டூரிஸ்ட்  வேனே கிடைக்க   மாட்டேங்குதா ,ஏன் ?''
                 ''வோட்டுக்கு கிடைச்ச  பணத்திலே எல்லோரும் ஜாலியா ஊட்டி ,கொடைக்கானல்னு  கிளம்பிட்டாங்களே!''
இடித்த செய்தி ....ஓட்டுக்கு ரூ.6,000 வினியோகம் சுற்றுலா செல்லும் ஆர்.கே.நகர் மக்கள் !

மகன் பெரிய விஞ்ஞானியா வருவான் :)
               ''எதுக்குடா ,நான் பயன்படுத்திய  இன்சுலின் ஊசியை வேணும்னு கேட்கிறே ?''
               ''இங்க் பில்லரா அதைப் பயன்படுத்திக்கலாம்னுதான் , அப்பா !''
இப்படியும் சந்தேகம் வரலாமா :)
              '' வாத்தியார் ,மூட் அவுட் ஆனமாதிரி இருக்காரே ,ஏன் ?''
              ''வரிக் குதிரைக்கு ,கருப்பு தோல் மேல் வெள்ளை வரியா ,வெள்ளை தோல் மேல் கருப்பு வரியான்னு எவனோ  ஒருவன் கேட்டுட்டானாமே?''

கட்டாம  வைச்சிருக்கிறது தப்பா :)
           ''என்னங்க , உங்க நண்பர் 'கட்டாமலே இன்னும் எத்தனை நாள் வைச்சுக்கிட்டு இருக்கப் போறீங்க 'ன்னு போன்லே கேட்டது என் காதுலே விழுந்ததே ,உண்மையைச் சொல்லுங்க !''
           ''அடப் பைத்தியமே ,சும்மா போட்டு வச்சிருக்கிற பிளாட்டைப் பற்றி அவன் கேட்டான் ...அதைப் போய் தப்பா நினைக்கிறீயே !''

ஆளுயர மாலையைப் போட்டா ஆள் காலி :)
         '' தலைவர் மாலை எல்லாம் வேண்டாம்னு சொல்றாரே , அவ்வளவு தன்னடக்கமா ?''
          ''அடநீங்க வேற ,அவருக்கு கடுமையா  கழுத்து வலிங்க !''

படிப்பை 'கவர்ச்சி 'கவுத்துவிடக் கூடாது ,ஜாக்கிரதை :)
கவர்ச்சி நடிகை BA பாஸான செய்தி ஊடகம் எங்கும் ...
கனவுக் கன்னியாய் கோட்டைக் கட்டி ...
படிப்பைக் 'கோட்டைவிட்ட' ரசிகர்கள் எத்தனைப் பேரோ ? 

Sunday, 16 April 2017

'சர்பத் 'தால் சோம்பேறியான மனைவி :)

படித்ததில் இடித்தது :)
         '' வந்திருக்கிறக் கூட்டத்தைப் பார்த்தால் ,இறந்தவர் பெரிய ஆளாய் இருப்பார் போலிருக்கே ?''
         ''அட நீங்க வேற ! இலவச 'ஃவை ஃபை 'க்காக மயானத்துக்கு வந்திருக்கிற கூட்டமுங்க இது !''
           இடித்த செய்தி ...சுடுகாட்டில் இலவச 'வை - பை' வசதி; முதல்முறையாக அறிமுகம் !

'சர்பத் 'தால் சோம்பேறியான மனைவி :)
              ''என்னடா சொல்றே ,உன் பெண்டாட்டி படு சோம்பேறி ஆயிட்டாளா  ?''
             ''டீ ,காபியில் சீனிக்குப் பதிலா , சர்பத்தைக் கலக்க ஆரம்பித்து விட்டாளே !''
எப்படி வந்தது ,அவருக்கு இந்த  'துணி 'ச்சல்  :)
               ''எடைக் குறைவான சேலையை வாங்க வேண்டியதுதானே ?''
               ''நான் கட்டிக்கப் போறேன் ,மெஷின் துவைக்கப் போவுது ,உங்களுக்கென்ன ?''
              '' அதை காயப் போடுறது நான்தானே  !''

இருக்கும் போதுகூட மாமியார் மேல் இம்புட்டு பாசமில்லே :)
          ''என்னங்க ,அமாவாசை அதுவுமா ...ஜன்னல்லே காக்கா வந்து கரையுதுங்க,நெய்ச்சோறு கலந்து வைக்கட்டுமா ?!''
           ''ஏன் ?''
           ''கலரும் ,குரலும் உங்க அம்மாவை ஞாபகப்படுத்துதே ,அதான் !''

வழக்குச் செலவுக்கே ஒத்தி காசு சரியா போயிருக்குமே  :)
           ''ஒத்தி முடிந்தும் உங்க வீட்டைக் காலி செய்ய மாட்டேங்கிறவர் மேலே  போட்ட கேஸ் என்னாச்சு ?''
           ''அதையேன் கேட்கிறீங்க ,நீதிபதியும் தீர்ப்பை ஒத்தி வச்சுகிட்டே இருக்கார் !''

லஞ்சத்திற்கு தூக்குத் தண்டனை எப்போது :)
ஊரெங்கும் பணம் தரும் தானியங்கி எந்திரங்கள் ...
நம்மைச் சுற்றிலும் பணம் பிடுங்கும் மனித எந்திரங்கள் !

Saturday, 15 April 2017

ஓடிப் போனா...மனைவி பெயரும் மாறிடுமா :)

எது சரி :)
                ''காலிங் பெல் ரிப்பேரான்னு  ஏன் கேக்குறீங்க ?''
               ''கதவுலே 'தட்டுங்கள் திறக்கப் படும்'னு  வாசகம் இருக்கே !''  

புருசனைத் தாக்க மட்டுமா பூரிக்கட்டை :)
              ''பூரிக் கட்டையை  இப்படியும் பயன்படுத்தலாம்னு இன்னைக்குத் தான் தெரிஞ்சுதா ,எப்படி ?''
              ''தீர்ந்து போன டூத் பேஸ்ட்டை ,பிதுக்கி எடுக்கிறதுக்கு பதிலா பூரிக்கட்டையால் உருட்டி எடுத்தாளே என் பெண்டாட்டி !''
                 ( பெண்டாட்டி அப்படின்னா 'டாஸ்மாக் அடிமை 'புருஷன்  இப்படித்தான் பூரி மாவை உருட்டியாகணும்..ஹி..ஹி:)
நண்பனின் மனம் அறிந்த நண்பேண்டா  :)
               ''பக்கத்துத் தெருவிலே இருக்கிற அந்த ராசியான மருத்துவமனையின் பெயரும் ,டாக்டரின் பெயரும் ஞாபகத்தில்  வரவே மாட்டேங்குதே.....!''
                ''சரி ,சரி ..நர்ஸோட பெயரைச் சொல்லு,நான் போய் பார்த்துக்கிறேன் !''

ஓடிப் போனா... மனைவி பெயரும் மாறிடுமா :)
            ''உன் மனைவி பெயர் கலாவதிதானே ,காலாவதின்னு ஏன் சொல்றே ?''
           ''ஓடிப் போனவளை வேற எப்படி சொல்றது?''

போலிகள் நிறைந்த உலகமடா :)
      ''நீங்க போலி டாக்டர்னு பேசிக்கிறாங்க ,நீங்க தர்ற மாத்திரையும் போலின்னா ,எப்படி குணமாகும் ?''
     ''ஸ்கேனைப் பார்த்து நான்  சொன்ன நோயும் போலிதான் ,டோன்ட் ஒர்ரி !''

ஒரு தலைக் காதல் ஜெயிக்குமா :)
நீ விரும்புவதோ அவளை ...
அவள் விரும்புவதோ அவனை ...
மூணு சீட்டிலேயே  உன்னால் ஜெயிக்க முடியாது !
முக்கோண காதலில் ...?நோ சான்ஸ் !

Friday, 14 April 2017

காதலி எப்படி இருந்தால் தேவலை :)

தாய்க் குலத்தின் மேல் இவ்வளவு மரியாதையா  :)

            ''உன் வீட்டுக்காரர் எல்லா காய்கறியும் வாங்கி வருவார் ,வெண்டைக்காய் மட்டும் வாங்க மாட்டாரா ,ஏன் ?''

           ''வெண்டைக்காயை ஆங்கிலத்தில்  Ladies fingerனு சொல்வதால் முனையை ஒடித்துப் பார்க்க அவருக்கு மனசு வராதாம் !''


காதலி எப்படி இருந்தால் தேவலை :)

               ''அந்த கால காதலனுக்கு  ,தேவையில்லாத சந்தேகம் வந்திருக்கா ,எப்படி ?''

                ''என்னருமை காதலிக்கு வெண்ணிலாவே ,நீ இளையவளா ,மூத்தவளான்னு  பாடிக் கேட்கிறாரே !''

நமக்கு தெரிந்தது நாய்க்குத் தெரியுமா :)

               ''சும்மா உள்ளே வாங்க,குரைக்கிற நாய் கடிக்காதுன்னு உங்களுக்குத்தான் தெரியுமே ?''

                ''அது  உங்க நாய்க்குத் தெரியணுமே !''


ரஜினிக்கும் முந்தைய நிஜ கோச்சடையான்கள் :)

           ''மதுரைக்காரங்கதான் உண்மையில் கோச்சடையான்கள்னு சொல்றீங்களே ,ஏன் ?''

           ''அவங்க குடிக்கிற தண்ணி கோச்சடையில் இருந்துதானே வருது !''

குறிப்பு ... வைகை ஆற்றுத் தண்ணீர், கோச்சடை என்ற இடத்தில் சுத்திகரிக்கப்பட்டு மதுரை மக்களுக்கு  குடிநீராக  விநியோகம்செய்யப்படுகிறது !


மின் மயான வெட்டியானின் அபூர்வ ஞானம் :)

           ''செத்துப் போன உங்க நண்பர் 'ஆப் பாயில்'னா விரும்பிச் சாப்பிடுவாரா ?'' 

           ''ஆமா, உங்களுக்கு எப்படி தெரிஞ்சது ?''

          ''அவர் பாடிகூட  முழுசா எரியலே .. கரெண்ட் போயிடுச்சே !''


வீடுகள் தோறும் 'மீனாக்ஷி 'ஆட்சிதானா :)

நீ பாதி நான் பாதி யென 

ஆரம்பித்த  தாம்பத்யம் ...

பிள்ளைகள் இரண்டு ஆனபின் 

முக்காலும் காலும் ஆனது ...

கணவன் மனைவி உருவிலும் கூட !  

Thursday, 13 April 2017

'குட்டி யானை ' நடிகைன்னா யார் தெரியுமா :)

இப்படியும் சந்தேகம் வரலாமா :)
                '' என்னைப் பார்த்து ,என் வக்கீல் இருக்கிற கட்சியில்தான்  இருக்கிறீர்களான்னு ஏன் கேட்கிறீர்கள் ,நீதிபதி  அவர்களே ?''
               ''என் கட்சிக்காரரை விடுவிக்கும்படி உங்க வக்கீல் சொல்றாரே !''

நன்னடத்தைக்கு  ,அவங்க அகராதியில்  இதான் அர்த்தமா :)      
              ''  நன்னடத்தைக் காரணமா ,அவருக்கு எம் .எல் .ஏ. சீட் கொடுத்து இருக்காங்களாமே,என்ன செய்தார் அவர் ?''
               ''ஜாதிக் கலவரத்தைத் தூண்டி , நாலு பஸ்ஸை எரித்தாரே !''

 இது சென்ற ஆண்டு ஜோக் :)         
          ''இன்னைக்கென்னடி விசேஷம் ?  மல்லிகைப் பூ விற்பனை அமோகமா இருக்கே ?''
          ''இருக்காதா பின்னே ,பிறந்திருக்கிறது 'மன்மத 'வருசமாச்சே !''                                                                         Image result for மல்லிகைப் பூ பெண்
குளிக்கிறதை பார்க்க நினைப்பாங்களா :)
           ''உனக்கேன்டி , இந்த விபரீத ஆசை ?முத்து குளிக்கிறதைப்  பார்க்கணுங்கிறே  ?''
          ''அட நீ வேற ,கடல்லே முத்து எடுக்கிறதைப் பார்க்கணும்னு  சொன்னா ,தப்பா  அர்த்தம் எடுத்துக்கிறீயே !'' 

'குட்டி யானை ' நடிகைன்னா யார் தெரியுமா :)
            ''ஜூவுக்குப் போன அந்த நடிகை ,குட்டி யானைக்கு தன்னோட பெயரை வைச்சது தப்பா போச்சா ,ஏன் ?''
        '' கிசுகிசுவிலே 'குட்டியானை நடிகை'ன்னு எழுத  ஆரம்பிச்சுட்டாங்களே !''

ருசியான ரசத்திற்கு ஏங்கும் USA மாப்பிள்ளை :)
மணப்பெண் தேவை !
முறத்தால் புலியை விரட்டத் தெரியாவிட்டாலும் 
ரசத்திற்கு புளியைக் கரைக்கத் தெரிந்தாலே போதும் !

Wednesday, 12 April 2017

கணவன் மனைவி சண்டையில் மூக்கை நுழைக்கலாமா :)

ஒரு வாக்குறுதி இப்பவே நிறைவேறிடுச்சு  :)
            ''அந்த கட்சியின் தேர்தல் அறிக்கையைப் பற்றி என்ன நினைக்கத் தோணுது ?''
           ''அதான் 'பல்பு 'தருவோம்னு அவங்களே சொல்றாங்களே !''
இதிலுமா கணக்கு பார்க்கிறது :)                
              ''படியிலே தாவி தாவி,மாடிக்கு வந்த பையனை அடி அடின்னு அடிக்கிறார் ...கணக்கு வாத்தியாரை ஏண்டா கட்டிக்கிட்டோம்னு இருக்குடி !''
              ''ஏனாம் ?''            
             ''எதையுமே 'ஸ்டப் பை ஸ்டப் 'பா  செய்யணுமாம் !''

கணவன் மனைவி சண்டையில்  மூக்கை நுழைக்கலாமா :)
            ''பக்கத்து வீட்டிலே புருஷன் பெண்டாட்டி சண்டைன்னா...நாம ஒரு தப்பு செய்யலாம் ,ஒரு தப்பு செய்யக்கூடாதா ,என்னங்க சொல்றீங்க ?''
             ''காதை  தீட்டிக்கிட்டு ஒட்டு கேட்கலாம் ,சமரசம் செய்யப் போனாதான் தப்பு !''

சொல்லிக்க நல்லா இருக்காதே :)
           ''பத்து வீடு பார்த்ததில் நடுத் தெருவீடுதான் பிடிச்சிருக்கு ,நீங்க ஏன் வேண்டாங்கிறீங்க ?''
           ''நடுத் தெருவிலே இருக்கேன்னு சொன்னாச் சிரிப்பாங்களேன்னு யோசிக்கிறேன் !''

பெண்களில் 'மசாலா 'வும் உண்டு 'மலாலா 'வும் உண்டு :)
காண்போர் நாணும் அளவிற்கு 
மறைந்துள்ள மச்சத்தையும் காட்டும் 
'மசாலா 'ப் பெண்கள் ஒருபுறமும் ...
உரிமைக்கு முன் உயிர்க்கூட துச்சமென 
தோட்டாவைக் கூடத் தாங்கும் 
'மலாலா 'ப் பெண்களும்  இன்னொரு புறமும் ...
இருப்பதால்தான் பெண்மை தலை நிமிர்ந்து நடக்கிறது !

Tuesday, 11 April 2017

மகளின் உள்ளங்கவர் 'கள்வன் 'இதில் தெரிவானா :)

  நாசூக்கா  சொல்லணும் :)
             ''என்னோட டூத் பிரஷ்  எப்பவுமே புதுசா இருக்கும்னு எப்படி கண்டுபிடிச்சே ?''
            ''நீ பக்கத்திலே வந்தாலே, அதை நீ பயன்படுத்துறது இல்லைன்னு தெரியுதே !''

மேனேஜர் சிடுமூஞ்சியாய் இருப்பதும் முன்எச்சரிக்கைதானா :)
           ''மேனேஜர் எப்ப பார்த்தாலும் சிடுமூஞ்சியாவே இருக்காரே ,ஏன் ?''
          ''சிரிச்சுப் பேசினா  மூஞ்சியை நக்க ஆரம்பிச்சிடுதாமே சில ஜென்மங்க !''

நடிகைக்கு ஆப்ரேசன்னா கிண்டல் செய்யலாமா :)
        ''அந்த நடிகைக்கு டான்ஸில் ஆப்ரேசன்னு கேள்விப்பட்டு ,டான்ஸ் மாஸ்டர்  கமெண்ட் அடிக்கிறாரா,எப்படி ?''
        '' டான்ஸில் அவர் வீக் ,அவரோட டான்ஸிலுமா  வீக்னு கேட்கிறார் !''

மகளின் உள்ளங்கவர் 'கள்வன் 'இதில் தெரிவானா :)
        ''என் பொண்ணைக் காணலைன்னு ,மந்திரவாதியை  போய் பார்க்கலாம்னு சொன்னா ,ஏன்  வேண்டாங்கிறே ?''
        ''அவர் மை போட்டு பார்த்தா , கள்வன் தெரிவான்... ஆனா ,உங்க மகளின் உள்ளங்கவர் 'கள்வன் ' தெரிய மாட்டானே  !''

பிள்ளைப் பேறு, தாமதம் கூடாது :)
பள்ளிக்குப் புறப்படும்  பையன்...
சூ சாக்ஸ் டை சீருடை போட்டுவிடச் சொல்லும் போது..  
வரும் எரிச்சலில் ஒரு உண்மை புரியும்  ...
 பிள்ளைப்பேறில் தாமதம் கூடாதென்று  !

Monday, 10 April 2017

ரஜினி ரசிகர் என்பதற்காக இப்படிப் பாடலாமா :)

குடிகாரன் என்பதை இப்படியா குத்திக் காட்டுவது :)       
           '' பால் கார்டு வாங்கப் போற அப்பா ,பால் பூத் நம்பரைக் கேட்டா ,ஏம்மா எரிஞ்சு விழுறே ?''
           ''மாசாமாசம் சொன்னாலும் மண்டையில் ஏற மாட்டேங்குது ,டாஸ்மாக் கடை நம்பரைச் சொன்னா போதும்  ,அது இருக்கிற இடத்தை  சரியா சொல்றாரே !''

மாமியார் ,மருமகளுக்கும் உள்ள ஒரே ஒற்றுமை :)
          "என்னதான் சண்டை போட்டாலும் மாமியார் மருமகள் ,ஒரு விஷயத்திலே ஒற்றுமையா  இருக்காங்களா ,எதிலே?"
          "புருசன்களை திட்டுவதில் தான் !" 

கணவர் ரஜினி ரசிகர் என்பதற்காக இப்படிப் பாடலாமா :)
      ''உன் புருஷன்  இமயமலைக்கு போகத்  துடிக்கிறாரா ?'சேலை சோலையே 'ன்னு பாடிகிட்டு ,உன்னை சுற்றிச் சுற்றி வந்தவராச்சே அவர் ?''
      ''இப்போ 'சேலையில் சிக்கிக் கொண்டா  சொர்க்கத்தின் வழியேதும் தெரியாது'ன்னு  பாட ஆரம்பித்து விட்டார்டி!''

'நொறுக்குத் தீனி'யர்களே, ஞாபகம் வைச்சிக்குங்க :)
           ''என்னங்க ,அந்த மனோ தத்துவ டாக்டர் என்ன சொல்லி உங்களைத் திருத்தினார் ?''
         ''பசியும்  ,ஃபிரிட்ஜ் பல்பும் ஒண்ணு ...கதவை திறந்தா மட்டும் பல்பு எரியுறமாதிரி ,பசிச்சா மட்டும்தான் சாப்பிடணும்னு சொன்னாரே !''

தானாடா விட்டாலும் தன் சதை ஆடுமோ :)
மேடையில் முழங்கும் தலைவர் ...
தன்னையறியாமல்  ஒப்புதல் வாக்குமூலம் தந்தார் ...  
''பாரதி அன்றே சொன்னார்  ,
பெண்மை வாழ்கவென்று கூத்தடிப்போமடா ''என்று !

Sunday, 9 April 2017

ஆண்களுக்கு 'டைம் பாஸ் ' சரி ,பெண்களுக்கு :)

இந்த  சந்தேகம் தீருமா :)              
               ''சேலை கட்டிய மாதரை நம்பாதேன்னு சொல்றதை நீங்க நம்புறீங்களா ?''
              ''அதையும் நம்ப முடியலே ,அதைச் சொன்னவர் ஔவையார் என்பதையும்  நம்ப முடியலே !''

எம்டனுக்கு எம்டன்கள்:)
           ''பொண்ணு பிடிச்சிருக்குன்னு சொல்லிட்டுப் போய் ஒரு மாசமாச்சே ,அடுத்து பேசவே இல்லையே ,நியாயமா ?''
           ''அன்னைக்கு ,பொண்ணு பிடிச்சிருக்குன்னு சொன்னாதான் டிபன்னு சொன்னீங்களே ,அது மட்டும் நியாயமா ?''

மனைவிக்குத் தெரியாமல் வச்சுக்கலாமா :)
             "ATM ரூமுக்குள்ளே போனாதான் தெரியுது ...பலபேர் , மனைவிக்குத் தெரியாமல் வச்சுக்கிட்டு இருக்காங்கன்னு ........!"
                "எதை ?"
               "பேங்க் பாலன்ஸ்சை தான் !அதை  மறைக்க  பாலன்ஸ் சிலிப்பை கிழிச்சு போட்டுட்டு போயிடறாங்களே! "

ஆண்களுக்கு 'டைம் பாஸ் ' சரி ,பெண்களுக்கு :)
         ''டைம் பாஸ் வார இதழில் ஆண்களுக்கான  'கில்மா ' மேட்டர்தான் வருது ! நாம படிக்கிற மாதிரி இல்லேடி !''
          ''ஒண்ணும் கவலைப் படாதே !அடுத்து பெண்களுக்காக 'மெனோ பாஸ் 'னு வார இதழ் வரலாம்  !''


உயிரே ,உன் விலை என்ன :)
கோழிகளின் கழுத்து அறுபடும் போதுகூட  ஏற்படாத பரிதாபம் ...
'கோழிக் கறி கிலோ ரூ 100,உயிருடன் கிலோ ரூ 80'
என்பதைப் படிக்கையில் ஏற்படுகிறது !
உயிருக்கு என்னதான் மதிப்பு ?

Saturday, 8 April 2017

கரண்ட் இல்லேன்னாலும் அவருக்கு காரியம் ஆகணும்:)

பாட்டிலே கதின்னு இருந்தா :)     
            ''தலைவரோட கட்டுப்பாட்டில்  கட்சி இல்லைன்னு தெரிஞ்சு போச்சா  ,எப்படி ?''
           ''அவரே ,அவர் கட்டுப்பாட்டில் இல்லையே !''

இருந்தாலும் இவருக்கு இவ்வளவு  கரிசனம் கூடாது :)           
              ''மேற்கூரையில்   திறக்கிற மாதிரி  மூடி வச்சிருக்கீங்களே ,ஏன்  ?''
              ''கூரையைப் பிச்சுகிட்டுக் கொடுக்கிறக்  கடவுளுக்கு வீண் சிரமம் கொடுக்கக் கூடாதுன்னுதான் ..!''

கரண்ட் இல்லேன்னாலும் அவருக்கு காரியம் ஆகணும்:)
            ''அய்யா பெரியவரே ,கிராமத்தில் இருந்து வந்து இருக்கீங்க சரி ,மேட்னி  ஷோவுக்கான 'கரண்ட் 'புக்கிங் முடிஞ்சுப் போச்சே !''
           ''அப்படின்னா ஜெனரேட்டர் புக்கிங் ஆரம்பீங்க !''

குடிகாரங்க  சாப்பிட வேண்டியதும் ,வேண்டாதமும் :)
           ''உங்க வீட்டுக்காரர் உடம்பு தேறணும்னா நிறைய பழங்கள் சாப்பிடணும் !''
            ''பழங்'கள் ' சாப்பிட்டு பாழாப்போன மனுசனுக்குப் புரியுற மாதிரி சொல்லுங்க ,டாக்டர் !''

'கடனே'ன்னு எதையும் செய்யக் கூடாது :)
கொள்ளை,கொலைச் செய்யும் ...
ரௌடிகளுக்கும் கூட  தனித்துவமான அடைமொழி பெயர்கள் !
அவர்களின் பெயரில் மட்டுமே உள்ள  தனித்துவத்தை 
நாம் செயலில் காட்டினால் 
நாமும் இங்கே ஹீரோதான் !

Friday, 7 April 2017

தேசீய நோயாகி விட்டதே டயாபெடிக் :)

டாக்டரின் சிபாரிசு சரிதானா :)
                ''கண் பார்வை நல்லாத் தெரியணும்னா காரட் சாப்பிடலாம் , என்ன கறி  சாப்பிடலாம் டாக்டர் ?''
               ''காரட்டைச்  சாப்பிடுற முயல் கறியைச் சாப்பிடலாமே !''

தேசீய நோயாகி விட்டதே டயாபெடிக் :)         
          '' விருந்து பரிமாறுகிறவர் சொல்ற விஷயத்தை  நம்பத்தான் வேண்டியிருக்கா ,ஏன் ?''
         ''பக்கத்து இலைக்கு பாயாசம் ஊற்று,அப்படியே எனக்கும் ஊற்றுன்னு  இப்போதெல்லாம்  யாருமே கேட்கிறதில்லையாம் !''

மருமகளை இந்த நிலையிலும் நம்பலைன்னா ....?
         ''உன்  மாமியாருக்கு இரக்கமே இல்லைன்னு  ஏண்டி சொல்றே ?''
        ''நான் காக்கா வலிப்புலே துடிச்சாலும்  பீரோ சாவியை என் கையிலே தரவே இல்லையே !''

நடிகைக்கு பிடிக்காத 'பெர்சனல் டச் ' :)
           ''அந்த இயக்குனர் படங்களில் 'பெர்சனல் டச் ' சீன்கள் சூப்பராய் இருக்கும்னு நடிகைகள் தவிக்கிறாங்க ,நீங்க  சான்ஸ்  கிடைத்தும்  ஏன்  விலகிட்டீங்க ?''
           ''பெர்சனல் டச்சை  அவர் படத்தோட நிறுத்திக்க மாட்டாராமே  ..அதான் !''

நதிமூலம் ,ரிஷிமூலம் மட்டுமா பார்க்கக் கூடாது :)
தோழிகளிடம் ...
தோழிகள் கொடுத்த 'டெட்டிபியர் 'கள் !
தோழிகளுக்கு ...
கைகழுவிய 'பாய் ப்ரண்ட்ஸ் 'கள் கொடுத்தது !

Thursday, 6 April 2017

பெண்ணுக்கு உடையே பகையாகுமா :)

தண்ணியில்லாம மீனு வாழ முடியுமா :)
           ''நம்ம பையன் எந்நேரமும் தண்ணீயிலேயே இருக்கானே ,என்னங்க பண்றது ?''
           ''அவன் உன் வயிற்றில் வளரும் போது ,மீனை நிறைய சாப்பிடாதேன்னு சொன்னேன் ,அப்பவே கேட்டிருக்கணும் !''

பெண்ணுக்கு  உடையும்  பகையாகுமா :)
             ''ஒர்க் ஷாப்பில்  வேலைப் பார்க்கிறதிலே உனக்கு என்னடி கஷ்டம் ?''
             ''டிரஸ்ஸை  லூசா  போட்டுகிட்டா  மெஷினுக்கு பக்கத்தில் போக முடியலே ,டைட்டா போட்டுகிட்டா மேனேஜர்  பார்வையே சரியில்லையே !''
ஆபரண நகையினால் ஆபத்து வரக்கூடாது என்பதற்காக :)
         ''தலைவரே ,நானும் நகைங்களை பாங்கிலே வச்சுருக்கேன்னு  எந்த தைரியத்திலே சொல்றீங்க ?''
         ''அடமானத்திலே இருக்கா ,சேப்டி லாக்கர்லே இருக்கான்னு யாரும் கேட்க மாட்டாங்கிற தைரியத்திலேதான் !''

கந்து வட்டியால், நொந்து போய் ,லந்து பண்றாரோ :)
             ''அடகுக் கடைக்கே  வந்து ,'நீங்க எங்கே அடகு வைக்கிறீங்க 'ன்னு கேட்கிறது நியாயமா ?''
            ''நீங்க மனசாட்சியை அடகு வைத்து விட்டு, அநியாய வட்டி போடுறது  மட்டும் நியாயமா ?''

நாகரீகம் தெரிந்த காதலன் :)
காதலிக்கு ...
நாலு பேருக்கு நடுவில் பரிசளித்து விட்டு 
நன்றியினை மட்டும் 
நாலு சுவருக்கு நடுவில் பெற நினைப்பவன் !

Wednesday, 5 April 2017

மனைவி என்றதும் மனதில் தோன்றும் பிம்பம் :)

இப்படியொரு 'லிப் லாக்'கை கமலும் செய்ததில்லை :)
          ''என்னடா சொல்றே ,அந்த 'லிப் லாக்'கைப் பார்த்து அசந்து போயிட்டியா ?''
          ''நீயே பாரேன் !''
மனைவி கேள்விபட்டது உண்மையா :)
       '' மூக்குத்தியை ஏன் கழற்றிட்டே ?''
       ''மூக்குத்தி போட்டுகிட்டா புருஷன் ரொம்ப நாள் வாழ்வான்னு சொல்றாங்களே !''

மனைவி என்றதும் மனதில் தோன்றும் பிம்பம் :)
              ''தலைவரோட சம்சாரம் ஏன் பத்ரகாளி ஆயிட்டாங்க ?''
             ''வரப் போற புயலுக்கு உன் பெயரை வைக்க சிபாரிசு பண்ணியிருக்கேன்னு தலைவர் சொன்னாராம் !''

காதிலே பூ சுத்துறதுக்கும் அளவில்லையா :)
         ''எக்ஸ்ட்ரா சைஸ் பட்ஸ் கிடைக்கும்னு போட்டு இருக்கீங்களே ,எப்படி இருக்கும் ?''
         ''வலது காதில் நுழைத்து இடது காதையும் ,இடது காதில் நுழைத்து வலது காதையும் கிளீன்  பண்ணலாம் !''

அழுவோரைத் தேற்றுவாரில்லை :)
குழந்தையின் முதல் அழுகையை கேட்பதற்கு  மட்டுமே 
அனைவரும் ஆவலோடு இருக்கிறார்கள் !

Tuesday, 4 April 2017

கணவன்கூட சண்டை போட உரிமை இருக்கே :)

 படித்ததில்  இடித்தது :)          
            ''கம்யூனிஸ்ட்டுக்களைக்  கண்டால் கொசுக்களுக்கும்  கொண்டாட்டமா  ,ஏன் ?''
             ''சிகப்பு நிறம் கொசுவுக்கு ரொம்ப பிடிக்குமாமே !''
இடித்த செய்தி ..கொசுவுக்கு பிடித்த நிறம் :)


கணவன்கூட  சண்டை போட உரிமை இருக்கே  :)
         ''என்னங்க , என் குரல்லே நடுக்கம்  இருக்குன்னு பாட்டுப்போட்டியில் என்னை நீக்கிட்டாங்க !''
         ''என் புருஷனையே நடுங்க வைக்கிற என் குரல்லே நடுக்கமான்னு சண்டை போட்டிருக்க வேண்டியது தானே ?''

தலைஎழுத்து அவரவர் தாய்மொழியில் தானா  :)
           ''ஜோசியரே ,என் நண்பரோட ஜாதகத்தைப் பார்த்து ,அவர் தலைஎழுத்தைச் சொல்ல முடியாதா ,ஏன் :)
            ''அவர் மலையாளியாச்சே !''

செல்போன், மனைவியா கணவனா :)
               ''என்னங்க ,செல்போனைப்  பார்த்தா என் நினைப்பு  வருதா ,ஏன்?''
               '' இருந்தாலும் தொல்லையா இருக்கு ,இல்லாட்டியும் கஷ்டமா இருக்கே !''

பித்ருக்களை அறியாத சத்ருக்களின் கேலி :)
       ''நீங்க எச்சில் கையாலே காக்கையை விரட்ட மாட்டீங்களாமே,ஏன்  ?''
       ''என் பித்ருக்களான காக்கைகளுக்கு  எதுக்கு எச்சில் பருக்கைன்னுதான் ? ''

 சேவலின் அவசரச் செய்தி ,நமக்கல்ல :)
கோழி கூவியா பொழுது விடியப் போகிறது ?
இல்லை ,சேவல் கூவியா பொழுது விடிகிறது ?
சேவல் இனமே இல்லாதபோது விடியாமலா இருந்தது ?
'நான் ஒருத்தன் இங்கே இருக்கேன் 'னு சேவல் 'சிம்பாலிக்காய் 'பெட்டைக் கோழிக்கு சொல்வதை எல்லாம் ...
நாம் சீரியசாய் எடுத்துக் கொள்ளக் கூடாது !

Monday, 3 April 2017

குட்டைப் பாவாடை படுத்தும் பாடு :)

ஒரு பொய்யாவது சொல் கண்ணே :)           
             ''லவ் லெட்டர்லே என்ன எழுதியிருக்கு ,இப்படி சிரிக்கிறே ?''
           ''என்னைப் பிடிக்காட்டி உன் அண்ணனிடம் சொன்னாலும் பரவாயில்லை ,என்னை மட்டும் 'அண்ணா 'என்று  சொல்லிவிடாதேன்னுதான் !''

விவரமான பய பிள்ளையா இருக்கானே :)
               ''நொறுங்கத் தின்றால் நூறாண்டு வாழலாம் என்பதை  நம்ப முடியலையா ,ஏண்டா ? ''
               ''ஆமைக்கு பல் இல்லேன்னு சொன்னதும் நீங்கதான் ....அது மனுசனை விட அதிக ஆண்டுகள் உயிர் வாழும்னு சொன்னதும் நீங்கதானே ,ஸார் !''

குட்டைப் பாவாடை படுத்தும் பாடு :)
           ''கோவிலிலே சைட் அடிக்கிறது தப்புன்னு பட்டது, அதனாலே விட்டுட்டேன்!''
          '' எதை?''
           ''கோவிலுக்குப்  போவதை !''
சினிமா /கோவில்னு சொன்னா 'நோ பிராப்ளம் ':)
          ''ஒரு உண்மையைச் சொன்னதாலே ,குடும்பத்திலே குழப்பமா ,ஏன் ?''
   ''FM ரேடியோவிலே ,'நிம்மதி வேணும்னா எங்கே போவீங்க 'ன்னு கேட்டாங்க ,ஆர்வக் கோளாறிலே 'சின்ன வீட்டுக்கு 'ன்னு சொல்லித் தொலைச்சிட்டேன்,அது மனைவி காதுலேயும்  விழுந்துடுச்சே  !''

பாடல் அருமை ,ஆனால் 'லாஜிக் ':)
புருஷோத்தமன் புகழை ...
புல்லாங்குழல்கள் பாடினால் இனிமைதான் !
புல்லாங்குழல் கொடுத்த மூங்கில்கள் பாடினால் நல்லாவா இருக்கும் ...?

Sunday, 2 April 2017

143 vs 144 :)

 இப்படியா குத்திக் காட்டுவது  :)      
             ''நான் , பஸ் டிரைவரானதும்  நல்லதுதானா .... ஏன்  ?''
              ''ரயில் டிரைவர் ஆகியிருந்தால் , ஸ்டேசனைத்  தாண்டித்தான்    ரயில்  நிற்கும் போலிருக்கே !''

வேறெந்த உயிரினத்தை எப்படி கூப்பிட்டால் வரும் :)          
         ''அதிக அறிவுள்ளது  காக்கான்னு எப்படி சொல்றீங்க ? ''                      
         ''கா கா ன்னு கத்தினால் காக்காக்கள் வந்திடுதே !''

பெண் காதலிப்பது வீட்டுக்கு தெரிந்தால் :)
         "என்னடா சொல்றே , 143 ன்னு சொன்ன  உன்  காதலிக்கு  144 ஆ?''
         "என் கிட்டே அவ 'I LOVE YOU'ன்னு சொன்னது தெரிந்ததால் ,வீட்டுக்கு  வெளியே போகக் கூடாதுன்னு அவளுக்கு 'தடை உத்தரவு 'போட்டுட்டாங்களே !"  

விளையாட்டுப் பிள்ளைன்னு முடிவு பண்ணிட்டாங்களா :)
        ''தலைவர் 'மீடியா''க்கள் மேல் ஏன் கோபமா இருக்கார் ?''
       ''அவரோட பேட்டி ,அறிக்கைகளை எல்லாம் விளையாட்டு செய்திகளில் சொல்றாங்களாமே !''

இது நடிகைக்கு மட்டுமல்ல ,அனைவருக்கும் !
பணம் சம்பாதிக்க வெட்கத்தை விட்டால் ..
பல வழிகளிலும் பணம் வரும் ...
வெட்கம் வரவே வராது ... 
அது போனது ஒரு வழிப் பாதை என்பதால்  !