24 July 2017

இதுக்குப் போய் பெண்டாட்டிய உதைப்பதா:)

 இவரோட பட்டப் பெயரே டாஸ்மாக்பிரியன்  தானா :)
           ''உங்களுக்கு முன்னாடியே உங்க பையன் தண்ணி அடிக்கிறானாமே,உண்மையா ? ''
            ''இல்லவே இல்லை ,அவன் பிறக்கிறதுக்கு முன்னாடி இருந்தே நான் தண்ணி அடிக்கிறேனே!''


இதுக்குமா ஆப்பரேசன் :)         
           ''உன் மாமியாருக்கு கண் ஆப்பரேசன் பண்ணனுமா ,ஏன் ?''
          ''நான் பட்டுச் சேலைக் கட்டிகிட்டா ,அவங்களுக்கு கண் உறுத்துதே !''
இதுக்கு அப்புறமும் சாப்பிட மனசு வருமா :)
          ''நான் இங்க கால்மணி நேரமா டைனிங் டேபிள்லே காத்துக்கிடக்கேன் ,நீ எங்கே போய் தொலைஞ்சே ?''
          ''பசியெடுத்தா கத்த ஆரம்பிச்சுடும்னு  நாய்க்கு சோறு வைக்கப் போனேங்க !''

இதுக்குப் போய்  பெண்டாட்டிய உதைப்பதா:)
             ''மாப்பிள்ளே ,என் பொண்ணை தினசரி  உதைக்கிறீங்களாமே...உங்களுக்கு என்னதான் வேணும் ?''
             ''ஸெல்ப் ஸ்டார்ட் பைக் வாங்கி கொடுங்க ,உதைக்கிறதை விட்டுற்றேன் !''

காதலிக்கு இது பொருந்தாது :)
CALLசெய்துவிட்டு CUTசெய்பவர்கள் ...
பொருளாதாரப் புலிகளாய் இருப்பார்கள் !

23 July 2017

ஓடிப் போய் கல்யாணம்னா , எங்கே போகலாம் :)

படித்ததில் இடித்தது :)
            ''போலீஸ் வேலையை எதுக்கு ராஜினாமா  பண்றீங்க ?''
            ''தக்காளிக் கூடைக்கெல்லாம் பாதுகாப்புக்கு நிற்க வேண்டியிருக்கே !''
இடித்த செய்தியின் தொடுப்பு ....தக்காளிக்கு துப்பாக்கி ஏந்திய போலீஸ் பாதுகாப்பு:)
காரணம், பொது நலம் அல்ல :)       
          ''பரவாயில்லையே ,டாஸ்மாக் மதுக் கடைகளை மூடணும்னு நம்ம ஏட்டு ஏகாம்பரமும் சொல்றாரே  ?'',

22 July 2017

காதலியின் கெடுவுக்கு காரணம் :)

படித்ததில் இடித்தது :)
                ''வேஷ்டி வாங்கிட்டேன் ,இங்கிலீஷ் நல்லா பேசப் பழகணும்னு ஏண்டா சொல்றே ?''
                 ''போறப் போக்கைப் பார்த்தால், இங்கிலீஷ் பேசத் தெரிந்து வேஷ்டி  கட்டினவங்களுக்கு மட்டும்தான் மாலில் அனுமதின்னு சொல்வாங்க போலிருக்கே !''
இடித்த செய்தியின் தொடுப்பு ....வேட்டிக்கு அவமரியாதை :(

காரம் பிடிக்கும் ,அதிகாரம் :)      
          ''உங்களுக்கு காரம் பிடிக்கும்னா மனைவிகிட்டே செய்யச் சொல்ல வேண்டியதுதானே ?''

21 July 2017

மனைவி 'மை லார்ட்'டிற்கும் மேல் :)

பக்தி மனசிலே இருந்தா போதும் :)
             ''சுகர்  இருக்கிற உங்களுக்கு வாய் அடக்கம் வேண்டாமா ....மயங்கி விழும் அளவுக்கு அப்படியென்ன சாப்பிட்டீங்க ?''
              ''சாமி பிரசாதமாச்சேன்னு அரை லட்டுதான் சாப்பிட்டேன் !''


மந்திரின்னா  பொது அறிவு வேணாமா :)
        ''இலவச வேட்டி சேலை வாங்க வந்த நெரிசல்லே சிக்கி நாலு பேர் இறந்ததுக்கா ,மந்திரி டிஸ்மிஸ் ஆனார்  ?''
        ''அதுக்காக இல்லை ...'கியூ'பிரிவு  போலீசார் வரிசையை ஒழுங்குபடுத்தலைன்னு  கண்டனம் தெரிவிச்சாராம் !''

கடிபட விரும்பும் நல்ல உள்ளம் :)
      ''வாங்கின புதுச் செருப்பை எதுக்கு ரிடர்ன் பண்றீங்க ?''
     ''புது செருப்புன்னா கொஞ்சமாவது கடிக்க வேண்டாமா ?''
காதல் கடிதங்களை வைத்திருக்கலாமா :)
            ''நான் எழுதிய காதல் கடிதங்களை ,இப்போ நம்ம பையன் படிச்சிட்டான்னு எப்படி சொல்றே ?''
           ''மொக்கைன்னு தெரிஞ்சும் மோசம் போயிருக்கியே அம்மான்னு கிண்டல் பண்றானே !''

மனைவி 'மை லார்ட்'டிற்கும் மேல் :)
       வாய்தா ...
       கோர்ட்டில் கேட்க முடிந்த வக்கீலாலும்
       வீட்டில் மனைவியிடம் கேட்க முடிவதில்லை !

மொபைல்வாசிகள், தமிழ்மண வாக்களிக்க  இதோ லிங்க் ..http://tamilmanam.net/rpostrating.php?s=P&i=1467006

20 July 2017

இனியும் தேவையா இந்த கல்யாணம் :)

 இனியும் தேவையா இந்த கல்யாணம் :)          
           ''அறுபதாம் கல்யாணம் செய்துக் கொள்வதில் உங்கம்மாவுக்கு விருப்பமில்லையா ,ஏண்டா ?''
           ''பத்திரிக்கையில் , அழுவதாம்  கல்யாணம்னு தப்பா பிரிண்ட் ஆகியிருக்குன்னு சொன்னேன் ,அப்படியே இருக்கட்டும்னு சொல்றாங்களே !'' 

சந்தேகம் நியாயமானதுதானே :)
        ''அசைவம் சாப்பிட்டாலும்  ,DVD பார்த்தாலும்  தப்பான்னு ஏன் கேட்கிறே ?''

19 July 2017

செவ்'வாய் 'தெரியும், செவ்வாய் தோஷமா :)

  இருந்தாலும் இவ்வளவு தன்னடக்கம் கூடாது :)           
                 '' அவருக்கு  'வாடா 'ன்னு கூப்பிடப் பிடிக்காது ,சரி ..அவரோட    பையன்  வேலையில் இருக்கிற  ஊர்ப் பெயரைக் கேட்டீங்களா ?''
                 ''விஜயவாங்கன்னு சொல்றாரே !''

பெண்டாட்டி மேலே அவ்வளவு நம்பிக்கை :)            
               ''தினமும் முதலில் காக்கைக்கு வைத்து விட்டுச் சாப்பிடுறீங்களே ,முன்னோர்கள்  மேலே அவ்வளவு பாசமா  ?''

18 July 2017

காட்டன் சேலைக்கு அழகு ,கஞ்சிதானே :)

இவருக்காகப்  பழமொழியே மாறிப் போச்சே :)           
           ''உப்பில்லாப் பண்டம் தொப்பையிலேன்னு  ஏன் சொல்றீங்க?'' 
          ''உப்பைச் சேர்த்துக்கக் கூடாதுன்னு டாக்டர் எனக்கு அட்வைஸ் பண்ணியிருக்காரே !''

எல்லாமே எக்ஸ்பிரஸ் வேகம்தான் :)        
           ''அட பரவாயில்லையே ,மருந்து கூட டோர் டெலிவரியில் பத்தே நிமிடத்தில்  வீட்டுக்கு வருதே !''

17 July 2017

வலைப்பூவில் மட்டுமே எழுதி லட்சக் கணக்கில் சம்பாதிக்க முடியுமா :)

படித்ததில் இடித்தது :)
            ''உங்களுக்கு ஜெயில் தண்டனைன்னு உறுதியாச்சு ,எதுக்கு கர்நாடக சிறைக்கு அனுப்பச் சொல்றீங்க ?''
             ''அங்கே சமைத்துச் சாப்பிட வசதியிருக்கே,ஜட்ஜ் அய்யா !''
இடித்த செய்தியின் தொடுப்பு ....சிறையில் சசிகலாவுக்கு மட்டும் அல்ல:)

தூங்கிக் கொண்டே  காரோட்டுவாரோ :)            
         ''என் கூட கார்ல வர பயமாயிருக்கா ,ஏன் ?''

16 July 2017

நல்ல சமையலை நள[ன்]பாகம் என்பதால் ...:)

 இதுக்குமா பஞ்சு உதவுது :)            
           '' பனி இன்னும் கொட்ட ஆரம்பிக்கலையே ,தூங்கப் போறதுக்கு முன்னால் காதுலே ஏன் பஞ்சை அடைச்சுக்கிறே?''
             ''உங்க குறட்டைச் சத்தம் நுழையக் கூடாதுன்னுதான் !''

இந்த யோசனைக்கு நிச்சய பலன் உண்டு  :)
          ''  தியானத்தில் ஓம்னு  சொல்லிப் பார்த்தேன் ,நிம்மதி  கிடைக்கலே !''

15 July 2017

கணவனின் செல்லப் பெயர் 'டாபர்மேன் ' :)

போக வேண்டியது போகவில்லை :)            
                      ''ஏண்டி  ' நாலே  நாளில் முகத்தில் உள்ள   கரும்புள்ளிகள்  மாயமா மறைஞ்சுடும்,இல்லேன்னா பணம் வாபஸ் 'னு போட்டு இருந்ததை நம்பி பத்தாயிரம் ரூபாய் கட்டினியே ,என்னாச்சு ?''
                 ''மாயமாப் போச்சு ,அந்த பியூட்டி பார்லர் !''

நாத்திகம் வளர இதுவும் ஒரு காரணமா :)
              ''என்னங்க ,கல்யாணமான ஒரே மாசத்தில் நாத்திகனா மாறிட்டீங்களே .ஏன் ?''

14 July 2017

லிப் ஸ்டிக் பூசினால் வெற்றி நிச்சயமா :)

'ஜோக்' ஃபால்ஸ் :)
             ''இவ்வளவு தூரம் வந்தாச்சு ,ரொம்ப உயரத்தில்  இருந்து தண்ணீர் கீழே விழுகிற 'ஜோக்' ஃபால்ஸ்யைப் பார்த்துட்டு போகலாமே ?''
             ''என்ன பெரிய உயரம் ,வானத்தில் இருந்து  மழை நீர் கீழே விழுகிற உயரத்தை விடவா ?''     
        (இப்படி கேட்டவர் ,ஒரு எளிமையான ஒரு தலைவர் !யாரென்று உங்களுக்குத் தெரியுமா ?தெரியாட்டி பரவாயில்லை ,விடையைக் கீழே பார்த்து தெரிஞ்சிக்குங்க :) 
     
ஸ்பூனால் சாப்பிடுவதா  இட்லி :)      
           '' மினி இட்லி  ஆர்டர் பண்ணாதேன்னு ஏன் சொல்றீங்க, தாத்தா ?''

13 July 2017

மணப்பெண் இவளானால் மணப்பவன் எவன் :)

இவர்தான்  முன் ஜாக்கிரதை முத்தண்ணாவோ:)           
           '' செல்போன் வைப்பரேசன் மோடிலே  இருந்தா ,எடுத்து விடுன்னு சொல்றீங்களே ..ஏன் தாத்தா ?''
            ''சின்ன அதிர்ச்சியைக் கூட தாங்கிக்கிற அளவுக்கு என் உடல் நிலை இல்லையே !''
மணப்பெண் இவளானால் மணப்பவன் எவன் :)
        ''என்னது ,கன்னிப்பேய் வந்திருக்கீயா ?''

12 July 2017

மாமியார் வீட்டில் இருக்க நினைப்பது தவறா :)

படித்ததில் இடித்தது :)
          ''பெண்டாட்டியை எதுக்கு என் வீட்டு 'இலுமினாட்டி'ன்னு சொல்றே ?'' 
           ''இந்த வீட்டிலே எல்லாவற்றையும் அவதானே முடிவு செய்யுறா !'' 
இடித்த செய்தியின் தொடுப்பு ....உண்மையில் இந்த உலகை ஆள்வது இலுமினாட்டிகள் தான் !
இப்படியும்  சந்தோஷம் வருமா :)     
             ''வேலைக்கே லாயக்கில்லைன்னு மேனேஜர் உன்னைச் சொன்னாரே ,வருத்தமாயில்லையா ?''

11 July 2017

(கள்ளக்)காதல், இரண்டுக்கும் உள்ள வேறுபாடு :)

 பட்டாசுக்குப் பதிலாய் இதுவா :)           
               ''தலைத்   தீபாவளிக்கு வர முடியலே ,போகிக்குத் தான் வர முடிந்தது என்று  மாமனாரிடம் சொன்னது, தப்பா போச்சா ,ஏன் ?''
                  ''நீங்க எரிக்க  பழைய பாய் ரெண்டு தயாராயிருக்கு  மாப்பிள்ளைன்னு சொல்றாரே !''

இது கலக்கல் கமெண்ட் தானே :)
(கள்ளக் )காதல், இரண்டுக்கும் உள்ள வேறுபாடு :)
1.நம்ம மதுரைத் தமிழன் அவர்களின் வலைப் பூவில் படித்தது....
அந்த காலத்தில் ஒரு பெண்ணை காதலிக்கிறதுக்குஅவ அப்பன் மோசமான ஆளா ? 
அண்ணன்காரங்க எத்தனை பேர் அவங்க எப்படி என்று பார்த்து 
பார்த்து காதல் பண்ணினாங்க 
ஆனால் இந்த காலத்தில் காதலிக்கிறதுக்கு முன்னாடி  அவ புருஷன் மோசமான ஆளா ?பிள்ளைங்க எத்தனை பேர் அவங்க எப்படி என்று பார்த்து என்று பார்த்து காதல் பண்ண வேண்டியிருக்கு 
ச்சே காலம் எப்படி எல்லாம் மாறுது பாருங்க ..
அன்புடன் 
மதுரைத் தமிழன் 
இதற்கு என் கமெண்ட்......
அப்பனையும் அண்ணனையும்பற்றி  விசாரித்து  செய்தால், அது காதல் !புருசனையும் ,பிள்ளையையும் பற்றி விசாரித்து செய்தால் ,அது  கள்ளக் காதல் !இந்த தத்துவத்தை நீங்க புரிஞ்சிக்கலே போலிருக்கே !
------------------------------------------------------------------------------------------------------------------

2.நம்ம யாழ் பாவாணன் அவர்கள் 'ஊடகங்களும் எழுத்துப் பிழைகளும்'என்ற தலைப்பில் எழுதி இருந்தார் ,எழுத்துப் பிழைகளைத் தவிர்க்க வேண்டுமென ஊடகங்களுக்கு  வேண்டுகோள் விடுத்து இருந்தார் ....
இதற்கு என் கமெண்ட்  ....
சமீபத்தில் தொலைக் காட்சி ஒன்றில் ...குண்டி வெடித்து பத்து பேர் 
பலி என்று போட்டதைப் பார்த்ததும் அதிர்ச்சியாகி போனேன் 
அய்யா !நீங்கள் சொல்வது சரிதான் ,குண்டு வெடித்து என்று 
திருத்த வேண்டாமா?
------------------------------------------------------------------------------------------------------------
3..நம்ம பதிவர் பரிதி முத்துராஜன் ஜி அருமையான தகவலை G+ ல் அனுப்பி இருந்தார்,அது .... 

இதற்கு என் கமெண்ட்  ...
        அதைப் பிடித்து என்னதான்  செய்யப் போறீங்க ?

மொபைல்வாசிகள், தமிழ்மண வாக்களிக்க  இதோ லிங்க் ...http://tamilmanam.net/rpostrating.php?s=P&i=1465928

10 July 2017

கல்யாணத்துக்கு முன்னும் பின்னும் :)

படித்ததில் இடித்தது :)
           ''என்ன சொல்றீங்க ,நாடு உருப்படும் போலத் தெரியலையா ?''
           ''நம்மாளுங்க கூகுளில் தேடின லட்சணம் அப்படியிருக்கே !''
 இடித்த செய்தியின் தொடுப்பு ...   (2015ம் ஆண்டு இந்தியாவில் கூகுளில் அதிகம் தேடப்பட்ட நபர் பட்டியலில் முதல் இடத்தில் சன்னி லியோன்,மூன்றாம் இடத்தில் அப்துல் கலாம் :) 
                                                                
எதை எப்போ சொல்றதுன்னு விவஸ்தை வேண்டாமா :)
             ''தலைவலி மாத்திரைத் தானே வாங்கிவரச் சொன்னேன் ,அதுக்கு ஏன் முடியவே முடியாதுன்னு சொல்றீங்க ?''

9 July 2017

அழகான பெண் பெயரைச் சுருக்கலாமா :)

பகலிலும் விளக்கு தேவையா :)
               ''வாஜ்பாய் காலத்தில் வந்த 'இந்தியா ஒளிர்கின்றது 'என்ற விளம்பரம்  இன்றைக்குத்தான் சாத்தியம் ஆகியிருக்கா ,எப்படி ?''
             ''இப்போ புதுசா வர்ற 4G வண்டிகளில் பகலிலும் ஹெட் லைட் எரிவது கட்டாயயாமே !''
விளக்கமாறுக்கு பட்டுக் குஞ்சம் :)       
            ''கீ  ஹோல்  ஆபரேஷன்  எக்ஸ்பெர்ட்ன்னு  அந்த கொள்ளையனை   சொல்றாங்களே,ஏன் ?''

8 July 2017

மாமியார் அவ்வளவு மோசமா :)

            ''உன்  மருமகள் நடத்துற பியூட்டி பார்லர்  கடைக்குப் போய் ,எதுக்கு சண்டை போட்டே ?''
          ''என் போட்டோ கீழே 'என்னைப் பார் யோகம் வரும்'னு  எழுதி போட்டிருக்காளே!''


பதவி உயர்வு எப்படி வந்ததுன்னு தெரியுதா :)          
           ''எனக்கு சீக்கிரமே பிரமோஷன் வந்ததை  பாராட்டி , ஊது வத்தி பாக்கெட்டை பரிசா தர்றீங்களே,ஏன் ?''

7 July 2017

பெண் என்றாலே பணக் கஷ்டம்தானா:)

            ''பொண்ணோட அப்பா ,பணக் கஷ்டத்தில் இருப்பார் போலிருக்கா ,ஏன் ?''
           ''கல்யாணப் பத்திரிக்கையில் 'உங்களின் வரவையும் ,உங்களால் வரவையும் எதிர்பார்க்கும் 'ன்னு போட்டிருக்காரே !''

வெயில் ரொம்பத்தான் படுத்துது போலிருக்கு :)
                 '' வேலைக்காரி தொடர்ந்து வேலைக்கு வர ,கண்டிஷன் போடுறாளா, என்னான்னு ?''

6 July 2017

எப்போ புளிப்பா திங்கணும்னு ஆசை வரும் :)

மக்கள் சேவைன்னா இதுவல்லவா மக்கள் சேவை :)
             ''இந்த ரயில்லே டிக்கெட் செக்கர்  கூடவே ஒரு பாடி பில்டரையும் கூட்டிட்டு வர்றாரே ,எதுக்கு ?''              
               ''திறக்காத ஜன்னல்களைத் திறந்து விடத்தான் !''

இதுக்குமா கைது பண்ணுவாங்க :)             
         '' என் பையனை எதுக்கு கண் டாக்டரிடம் காட்டச் சொல்றீங்க ?''

5 July 2017

இளம்மனைவியின் முதல் வார்த்தை :)

முதல் விமானப் பயணத்தில் மானத்தை வாங்கலாமா :)
             ''இப்போ எதுக்கு ஏர் ஹோஸ்டசை கூப்பிடச் சொல்றே ?''
             ''சைடு  ஜன்னல் கண்ணாடிக் கதவைத் திறக்கத்தான் !''  

அதே தொழில்தான் ,பெயர்தான் வேறு :)           
               ''கொள்ளை அடித்த காசிலே  மருத்துவக்கல்லூரி தொடங்கிட்டாராமே,அவர் ?'' 

4 July 2017

தூங்கியும் மனைவிக்குத் தொல்லைத் தருவதா :)

         ''உனக்கு  தூக்கம் வர்றவரைக்கும் நான் பேசிகிட்டே  இருக்கணுமா ,ஏன் ?''
        ''முதலில் நீங்க தூங்கிட்டா ,உங்க குறட்டைச் சத்தத்தால் எனக்குத் தூக்கம் வரமாட்டேங்குதே !''

பெண்களுக்கு இது ஒண்ணுதான் பாக்கி :)
          ''அவளுக்கு பணக்காரத் திமிர் அதிகம்னு ஏன் சொல்றே ?''

3 July 2017

தனிக் குடித்தனம் போவதிலேயே குறி :)

படித்ததில் இடித்தது :)
             '' கண்ணே மணியே  என் வம்சம் தழைக்க வந்த GSTயேன்னு அவர் பாடுறாரே ,ஏன் ?''
               ''GST அமுலுக்கு வந்த நேரத்தில் பிறந்த  தன் குழந்தைக்கு GSTன்னு பெயர் வச்சிருக்காரே !''
            இடித்த செய்தியின்  தொடுப்பு ...பிறந்த குழந்தைக்கு GSTன்னு பெயர் வைத்த பெற்றோர் :)

உள்ளங்கை நெல்லிக் கனி போல :)    
           ''நான் மிதுன ராசி இல்லைன்னு எப்படி கண்டுபிடிச்சே ?''\
           ''அன்பும், புத்தி சாதுர்யமும் மிகுந்த மிதுன ராசி  நேயர்களே’ன்னு போட்டு  இருக்காங்களே  !''
தனிக் குடித்தனம் போவதிலேயே குறி :)
         ''ஜாதகப் பொருத்தம்  அருமையா  இருக்கு ,இப்போ எதுக்கு இன்னொரு ஜாதகத்தைத் தர்றீங்க?''
         ''இது என் அம்மா ஜாதகம் ....மாமியார் ,மருமகள் பொருத்தம் பார்த்து சொல்லுங்க !''

இதுக்குத்தான் படிக்கத் தெரியணும்னு சொல்றது :)
          ''இவ்வளவு நேரமா காலிங்  பெல்லை அடிச்சேனே ,உன் காதுக்கு கேட்கலையா ?''
          ''காலிங் பெல் வேலை செய்யாதுன்னு அது மேலே எழுதிப் போட்டிருக்கேனே ,உன் கண்ணுக்கு தெரியலையா ?''

சோறுன்னா மனுசன் சோழவந்தானுக்கே போறமாதிரி :)
           ''காக்கைங்க கண்ணுலேயே படமாட்டேங்குதே ,எங்கே போயிருக்கும் ?''
          ''வட இந்தியாவுக்குத்தான் !''

இளம் மனைவியின் கைமணம் :)
அடை போட்டதில் தேர் நின்றதோ இல்லையோ ...
என்னவள் வைத்த அடையினில் நின்றது ...
என் அடை தின்னும் ஆசை !

இந்த லிங்க் ...http://tamilmanam.net/rpostrating.php?s=P&i=1465192செல் மூலமாய் 'தம'ன்னா  வோட் போடுவோரின் வசதிக்காக :)

2 July 2017

இளம்மனைவிக்கு தகுதி இருக்கா :)

படித்ததில் இடித்தது :)
               ''என்ன சொல்றீங்க ,சொன்னதைச் செய்யலே ,சொல்லாததைச் செய்யுதா இந்த அரசாங்கம் ?''
               '' நதிகளை ஒண்ணா இணைப்போம்னு சொன்னாங்க ,செய்யலே .....வரிகளை ஒரே வரி  ஆக்கிட்டோம்னு  சொல்றாங்களே !''
இடித்த செய்தி .....வரிகளை விட நதிகள் இணைவதுதானே முக்கியம் :)

இப்படி சொன்னா என்ன அர்த்தம் :)               
            ''ஏண்டி ,பேய் வர்றது நாய்ங்க கண்ணுக்கு தெரியும்னு  சொல்றாங்களே ,உண்மையா ?''

1 July 2017

இப்படி 'இக்கு 'வைக்கும் காரணம் என்ன :)

 முதலில் ஆதார் கார்டு கட்டாயமில்லை என்றார்கள் :)                           
               ''நாய் கழுத்துலே எதுக்கு ஆதார் கார்டை மாட்டி வச்சிருக்கீங்க ?''
               ''ஆதார் எண்  இணைக்கப்பட இது மட்டும் பாக்கி இருந்தது ,அதான் !''

தலைவர் confuse ஆயிட்டாரே :)            
            ''சீன ஞானி கம்ப்பூசியஸ்  என்ன சொல்லியிருக்கிறார் தெரியுமா .....!''